Frå venstre: Jenny Venås, Kari Werenskjold, Birte Slettevoll, Elise Eidset, Iris Inguito, Maria Barstad. Framme sitter Ingvild Skogly. Foto: Astrid Kiperberg
KFUM Volda sitt Jente-17 lag gjorde ein flott innsats under Rankingturneringa i Kristiansund i helga.
Det var deltakande lag frå heile fylket. Etter eit litt surt og knipent 2-1 tap mot Ellingsøy i den første kampen, mobiliserte dei skikkeleg vinnarvilje og knuste erkerivalen Blindheim 2-0. Dermed vart dei puljevinnar og gjekk vidare til semifinalen, der dei slo Molde komfortabelt 2-0. I ein jamspelt finale mot Kristiansund heldt laga følgje med kvarandre hele vegen, men nordmøringane vann kampen etter 25-23 i første settet og 25-21 i det siste settet. Jentene frå KFUM Volda viste eit framifrå lagspel og innsatsvilje, og samla viktige rankingpoeng for vidare meisterskap denne sesongen.
