Søkkrike og feilfrie Steinar er ferskingen i Klypasuksessen. Han driv treningssenter og gjev kundane spesielt god, kroppsleg oppfølging

Latteren sat laust i publikumsrekkjene under premieren av Klypa laurdag. Den fullsette salen gav klart svar tilbake til dei tre på scena om at dette var bra saker.

Steikje, kor mange damer her e`, gliser Palle i Klypa med langt svart hår dekt av ein harry caps, buksa nedi sokkane og klakkande kloggar. Thomas Ryste med kompani har klart det igjen. Heile Rust vrir seg i latter av årets Klypaframsyning.

I år er fjerde året på rad at brødrene Thomas og Hans Vegard Ryste saman med Knut Steinnes lagar det kanskje mest populære showet i Ørsta-traktene. Med rånaren Palle i Klypa, hissigproppen Kjell og treningshingsten Steinar var laurdagens framsyning eit bevis på at showet på langt nær er gått ut på dato. Og oppskrifta bak suksessen er enkel.

- Vi plukkar opp fakter frå menneske vi ser eller møter og miksar det saman, fortel Thomas.

Dei som ikkje fekk med seg showet laurdag får høve til dette den næraste tida